சிறுவனின் சடலம் மீட்பு

எம்.எஸ்.எம். ஹனீபா

அம்பாறை, பொத்துவில், கொட்டுக்கல் களப்புப் பிரதேசத்தில் நீரில் மூழ்கி, அப்துல்லாஹ் சுதைஸ் (வயது-14) எனும் சிறுவன் பலியாகியுள்ளாரென, பொத்துவில் பொலிஸார் தெரிவித்தனர்.

தனது குடும்ப உறவினர்களுடன் நேற்று முன்தினம் (31) கொட்டுக்கல் களப்பு பிரதேசத்துக்குச் சிறுவன் சென்றிருந்த வேளையில், இரு சிறுவர்கள் சிறிய வள்ளம் ஒன்றில் களப்பில் சென்ற போது, யானை வருவதாக உடன் சென்ற சிறுவன் கூறியதையடுத்து, பீதியால் களப்பில் குதித்த சிறுவன் காணாமல் போயிருந்ததாகப் பொலிஸார் தெரிவித்தனர்.

காணாமல் போன சிறுவனின் சடலம், நேற்று (01) காலை கொட்டுக்கல் களப்பு பிரதேசத்தில் கண்டெடுக்கப்பட்டுள்ளதாகப் பொலிஸார் தெரிவித்தனர்.