சொறிக்கல்முனையில் கொள்ளை

அம்பாறை, சவளக்கடை பொலிஸ் பிரிவுக்குட்பட்ட சொறிக்கல்முனையிலுள்ள வீடொன்றை உடைத்து, 47,500 ரூபாய் பெறுமதியான பொருட்கள் மற்றும் பணம் என்பன கொள்ளையிடப்பட்டுள்ளன என்று, சவளக்கடை பொலிஸார் தெரிவித்தனர்.

வீட்டிலிருந்த அனைவரும் உறங்கிக் கொண்டிருந்தபோது, புதன்கிழமை (16) அதிகாலை வீட்டின் ஜன்னலை உடைத்து உட்புகுந்து மடிக்கணணி, அலைபேசி மற்றும் பணம் என்பன கொள்ளையிடப்பட்டுள்ளன என, அதன் வீட்டு உரிமையாளர் பொலிஸில் முறைப்பாடு செய்துள்ளார் எனத் தெரிவித்த பொலிஸார், மேலதிக விசாரணைகளை மேற்கொண்டு வருகின்றனர்.