அப்துல் கலாமின் மூத்த சகோதரர் காலமானார்

ராமேஸ்வரம்:

மறைந்த முன்னாள் ஜனாதிபதி அப்துல் கலாமின் மூத்த சகோதரர் முஹம்மது முத்து மீரான் லெப்பை மரைக்காயர் நேற்று இரவு காலமானார்.

ராமநாதபுரம் மாவட்டம், ராமேசுவரம் பள்ளிவாசல் தெருவில் வசித்து வந்த இவர் கடந்த ஆண்டு நவம்பர் மாதம் 5அம் திகதி தனது 104ஆவது பிறந்தநாளை கொண்டாடினார்.இந்த நிலையில் கடந்த 2 மாதங்களாக முஹம்மது முத்து மீரான் லெப்பை மரைக்காயர்  சிலநாட்களாக உடல் நலக்குறைவால் அவதிப்பட்டு வந்தார். வீட்டிலேயே சிகிச்சையில் இருந்த அவர் நேற்று இரவு காலமானார்.

அவரது மறைவு குறித்த தகவல் கிடைத்ததும் துணை முதலமைச்சர் ஓ.பன்னீர்செல்வம் மற்றும் பலர் இரங்கல் தெரிவித்துள்ளனர். ஜனாஸா இன்று பகல் 11 மணிக்கு  முகைதீன் ஆண்டவர் பள்ளிவாசலில் அடக்கம் செய்யப்பட்டது.

இதில் பலரும் கலந்து கொண்டனர்.முன்னாள் ஜனாதிபதி அப்துல் கலாம் தனது அண்ணன் மீது மிகுந்த அன்பு கொண்டவர்.