கொரோனா தடுப்பூசிக்கு பட்ஜெட்டில் ரூ.35,000 கோடி ஒதுக்கீடு

 புதுடெல்லி:

கொரோனா தடுப்பூசி திட்டத்துக்கு பட்ஜெட்டில் ரூ.35000 கோடி ஒதுக்கீடு செய்யப்பட்டுள்ளது. நகர்ப்புற தூய்மை திட்டத்துக்கு 1.41 இலட்சம் கோடி ஒதுக்கீடு செய்யப்பட்டுள்ளது.

2021-2022ஆம் நிதியாண்டுக்கான மத்திய அரசின்  பட்ஜெட்டை இன்று  நிதி அமைச்சர்  நிர்மலா சீதாராமன் தாக்கல் செய்து உரையாற்றினார். அப்போது அவர் பேசியதாவது:-

 சுயசார்பு இந்தியா திட்டத்தை அடுத்த கட்டத்துக்கு கொண்டு செல்வதற்கான அம்சங்கள் இந்த பட்ஜெட்டில் உள்ளன. சுகாதார கட்டமைப்புக்கு நிதி ஒதுக்கீடு இந்த பட்ஜெட்டில் அதிகரிக்கப்பட்டுள்ளது. சுயசார்பு சுகாதார திட்டத்துக்காக பட்ஜெட்டில் ரூ.64180 கோடி ஒதுக்கப்பட்டுள்ளது.

தற்காப்பு, குணப்படுத்துதல், சரியான சிகிச்சை ஆகிய 3 அம்சங்களில் சுகாதாரத்துறை கவனம் செலுத்துகிறது. இந்தியாவில் உலக சுகாதார அமைப்பின் கிளை தொடங்கப்படும். கொரோனா வைக் கட்டுப்படுத்த மேலும் 2 தடுப்பூசிகள் விரைவில் பயன்பாட்டிற்கு வரும்.