கோரிக்கை நிறைவேறாமல் வீடு திரும்ப மாட்டோம்

புதுடில்லி:

வேளாண் சட்டங்களை திரும்ப பெற வேண்டும் எனக்கூறியுள்ள பாரதிய கிஷான் சங்க தலைவர் ராகேஷ் திகாயத், எங்களது கோரிக்கை நிறைவேறாமல் வீடு திரும்ப மாட்டோம் என தெரிவித்துள்ளார்.

காசிப்பூர் எல்லையில் போராட்டம் நடத்தி வரும் விவசாயிகள் மத்தியில் அவர் பேசியதாவது: எதிர்வரும் அக்டோபர் மாதம் 2ஆம் திகதி  வரை விவசாயிகளின் போராட்டம் நீடிக்கும்.

அதற்குள் வேளாண் சட்டங்களை மத்திய அரசு திரும்ப பெறாவிட்டால், அடுத்த கட்ட போராட்டம் தொடர்பாக ஆலோசித்து முடிவு செய்வோம். எங்களது கோரிக்கை நிறைவேறாமல் வீடு திரும்ப மாட்டோம். நெருக்கடிக்கு மத்தியில், அரசுடன் பேச்சுவார்த்தை நடத்த மாட்டோம். இவ்வாறு அவர் கூறினார்.