தகன மேடையில் சடலத்தின் மீது பெட்ரோல் ஊற்றியதால் விபரீதம்

மராட்டிய மாநிலம், புனே மாவட்டம், தடிவாலா பகுதியை சேர்ந்தவர் தீபக் கும்ளே. 80 வயதான இவர் நேற்றைய தினம் (30) தனது வீட்டில்  வைத்து தற்கொலை செய்து கொண்டுள்ளார்.

இதனையடுத்து தீபக் கும்ளேவின் உடலை அவரது குடும்பத்தினர் தகனம் செய்ய அப்பகுதியில் உள்ள இடுகாட்டிற்கு கொண்டு சென்றனர்.

அங்கு தகன மேடையில் தீபக் கும்ளேவின் உடல்  வைக்கப்பட்டு எரியூட்டப்பட்டதாகவும், இதன் போது உடல் சரியாக எரியவில்லை என அருகில் நின்ற ஒருவர் எரிந்துகொண்டிருந்த சடலத்தின் மீது  பெட்ரோலை ஊற்றியதாகவும்  இதனால் தீ வேகமாகப் பரவி, அருகில் இருந்தவர்கள் மீதும் தீ காயம் ஏற்பட்டதாகத் தெரிவிக்கப்பட்டுள்ளது.

இதில், 11 பேர் படுகாயமடைந்த நிலையில் வைத்தியசாலையில் அனுமதிக்கப்பட்டு சிகிச்சை பெற்று வருவதாகத் தெரிவிக்கப்பட்டுள்ளது.

இச்சம்பவம் அப்பகுதியில் பெரும் பரபரப்பை ஏற்படுத்தியுள்ளது.