தமிழகத்தின் வளர்ச்சி குறித்தே தேர்தல் அறிக்கை வெளியீடு

தமிழகம்;

தமிழகத்தின் நிகழ்காலம், எதிர்காலம் ஆகியவற்றை மனதில் வைத்து தி.மு.க. தேர்தல் அறிக்கை உருவாக்கப் பட்டுள்ளதாக மு.க.ஸ்டாலின்  தெரிவித்துள்ளார்.

 தமிழக சட்டசபை தேர்தலுக்கான தி.மு.க.வின் தேர்தல் அறிக்கையை கட்சி தலைவர் மு.க.ஸ்டாலின் வெளியிட்டார். இந்த நிகழ்ச்சியில் பேசும்போது அவர் கூறியதாவது:-

சட்டப்பேரவை தேர்தலுக்கான களத்தில் நிற்கும் வெற்றி வேட்பாளர்கள் பட்டியலை  வெளியிட்டேன். இதன் தொடர்ச்சியாக தி.மு.க.வின் தேர்தல் அறிக்கையை வெளியிடுவதில் பெருமை அடைகிறேன். பொதுவாக தி.மு.க.வின் தேர்தல் அறிக்கையை ‘தேர்தல் கதாநாயகன்' என்று சொல்வார்கள். நாங்கள் வெளியிட்ட வேட்பாளர் பட்டியலையே சிலர் கதாநாயகன் என்றுதான் சொன்னார்கள்.