திருப்பதியில் பதற்றம்; அச்சத்தில் மக்கள்

ஆந்திர மாநிலம் திருப்பதி அருகே நேற்று(02)  நள்ளிரவு 1.10 மணியளவில் இலேசான நிலநடுக்கமொன்று  ஏற்பட்டுள்ளது.

இந்நிலநடுக்கமானது  ரிச்டர் அளவுகோலில் 3.6 ஆகப் பதிவுசெய்யப்பட்டுள்ளதாக தேசிய நில அதிர்வு மையம் தெரிவித்துள்ளது.

மேலும்  இது திருப்பதியில் இருந்து வடகிழக்கே 85 கிலோமீற்றர் தொலைவில் ஏற்பட்டுள்ளதாகவும்  தெரிவிக்கப்பட்டுள்ளது.

இதனால் அப்பகுதியில் பெரும் பதற்றம் ஏற்பட்டதாகத் தெரிவிக்கப்பட்டுள்ளது.

எவ்வாறு இருப்பினும் இந்நிலநடுக்கத்தால் சேதம் எதுவும் ஏற்பட்டதாகத் தகவல் வெளியாகவில்லை.