மம்தாவின் நெருங்கிய தோழி குஹா பாஜகவில் இணைவு?

 கொல்கத்தா

மேற்கு வங்க முதல்வர் மம்தா பானர்ஜியின் நெருங்கிய தோழியும், 4 முறை எம்எல்ஏவாக இருந்தவருமான சோனாலி குஹா பாஜகவில் இணையப் போவதாகத் தெரிவித்துள்ளார்.

மேற்கு வங்கத்திலுள்ள 294 தொகுதிகளுக்கும் 8 கட்டங்களாக சட்டப்பேரவைத் தேர்தல் நடைபெறுகிறது. இதில் 291 வேட்பாளர்களை திரிணமூல் காங்கிரஸ் கட்சித் தலைவர் மம்தா பானர்ஜி வெளியிட்டார். இந்தப் பட்டியலில் 20 அமைச்சர்களுக்குத் தேர்தலில் போட்டியிட வாய்ப்பு வழங்கப்படவில்லை.குறிப்பாக நிதியமைச்சர் அமித் மித்ரா, நிலவளத்துறை அமைச்சர் அப்துல் ராஜாக் முல்லா, வேளாண் அமைச்சர் புமேந்து பாசு ஆகியோருக்கு வாய்ப்பு வழங்கப்படவில்லை. 50 பெண் வேட்பாளர்களுக்கும், 42 முஸ்லிம்களுக்கும் மம்தா இந்த முறை வாய்ப்பு வழங்கியுள்ளார்.

இதில் முதல்வர் மம்தா பானர்ஜியின் நெருங்கிய தோழியாகவும், நெருக்கமானவராகவும் இருப்பவர் சோனாலி குஹா. சத்காச்சியா தொகுதியிலிருந்து 4ஆவது முறையாக எம்எல்ஏவாக சோனாலி குஹா இருக்கிறார். இந்த முறை சோனாலிக்கு இடம் வழங்கப்படவில்லை. இதனால் அதிருப்தி அடைந்துள்ள சோனாலி குஹா பாஜகவில் இணையத் திட்டமிட்டுள்ளார்.