இராணுவ பஸ் மீது பயங்கரவாதத் தாக்குதல்; 15 பேர் உயிரிழப்பு

சிரியாவில் நேற்று முன்தினம்(06) இராணுவத்தினர் பயணித்த பஸ் மீது பயங்கரவாதிகள்  நடத்திய தாக்குதலில் 15 இராணுவ வீரர்கள் உயிரிழந்துள்ளதாகத் தெரிவிக்கப்பட்டுள்ளது.

சிரியாவின் ஹோம்ஸின் கிராமப்புறத்தில் உள்ள பல்மைரா நகரின் பாலைவனப் பகுதியில் பயணித்த  இராணுவ பஸ் மீதே இத்தாக்குதல் நடத்தப்பட்டுள்ளதாகத் தெரிவிக்கப்பட்டுள்ளது.

இந்நிலையில் இத் தாக்குதலில் 15 பேர் உயிரிழந்துள்ளதாகவும்  18 பேர் படுகாயமடைந்த நிலையில் வைத்தியசாலையில் அனுமதிக்கப்பட்டுள்ளதாகத் தெரிவிக்கப்பட்டுள்ளது.

அத்துடன் காயமடைந்தவர்களில் பெரும்பாலானவர்களின் நிலை கவலைக்கிடமாக உள்ளதால் பலி எண்ணிக்கை மேலும் அதிகரிக்க வாய்ப்புள்ளதாகவும் தெரிவிக்கப்பட்டுள்ளமை குறிப்பிடத்தக்கது.