ஒபாமாவுக்கு அப்செட்

அமெரிக்க ஜனாதிபதித் தேர்தலில் ஜனநாயக கட்சியின் வேட்பாளர் யார் என்ற எதிர்பார்ப்பு எக்கச்சக்கமாக அதிகரித்துள்ளது. அக்கட்சியை சேர்ந்த பிரமுகர்களில் பெரும்பாலானவர்கள் துணை ஜனாதிபதி கமலா ஹாரிஸுக்கு ஆதரவு தெரிவித்துள்ளனர். இருந்தாலும் முன்னாள் ஜனாதிபதி பராக் ஒபாமா இதில் அமைதி காத்து வருகிறார்.

இது குறித்து பிரபல அமெரிக்க பத்திரிகை ஒன்றில் செய்தி வெளியாகி உள்ளது. அதில் ஜனாதிபதித் தேர்தலில் குடியரசுக் கட்சி வேட்பாளர் ட்ரம்பை ஜனநாயக கட்சியை சேர்ந்த கமலா ஹாரிஸால் வீழ்த்த முடியும் என ஒபாமா எண்ணவில்லை என தெரிவிக்கப்பட்டுள்ளது.

இதனால் ஒபாமா உற்சாகம் குறைந்து இருப்பதாகவும் தெரிவிக்கப்பட்டுள்ளது. ஏனெனில், கமலா ஹாரிஸ் இந்தப் போட்டியில் வெல்ல முடியாது என அவர் நினைக்கிறார் என்றும் அதில் தெரிவிக்கப்பட்டுள்ளது. அமெரிக்க எல்லை விவகாரத்தில் கமலா ஹாரிஸின் செயல்பாடு இதற்கு ஒரு காரணமாக அமைந்து இருப்பதாகவும் தகவல் வெளியாகி  உள்ளது.