நாளைமுதல் 16, 17 வயதுப் பிரிவினருக்கு பூஸ்டர்

 நாளைமுதல் 16, 17 வயதினருக்கு பிரித்தானியாவில் கொரோனாத் தொற்றுக்கான பூஸ்டர்  தடுப்பூசி செலுத்தப்படவுள்ளதாகத் தெரிவிக்கப்பட்டுள்ளது.

மேலும் அந்நாட்டில் பெரியவர்களில் 5 இல் 4 பேர் இதுவரை பூஸ்டர் தடுப்பூசியை செலுத்தியுள்ளதாகவும், இதற்கு முன்னர் எளிதில் பாதிக்கக்கூடிய 16, 17 வயதினருக்கு மட்டுமே பூஸ்டர் தடுப்பூசி செலுத்தப்பட்டதாகவும், தற்போது அது அனைத்துத் தரப்பினருக்கும் விரிவுபடுத்தப்பட்டுள்ளதாகவும் தெரிவிக்கப்பட்டுள்ளது.

 இந்நிலையில் பொதுமக்கள் நோய்த்தொற்றுப் பாதிப்பிலிருந்து பாதுகாப்பாக இருக்க பிரித்தானியாவில் தடுப்பூசி செலுத்தும் பணிகள் தொடர்ந்து விரிவுபடுத்தப்பட்டுள்ளதாக அந்நாட்டுச் சுகாதார அமைக்சு தெரிவித்தது.