கொக்குவில் மத்தி சனசமூக நிலைய அணி வெற்றி

Menaka Mookandi / 2014 பெப்ரவரி 10 , மு.ப. 04:27 - 0 - {{hitsCtrl.values.hits}}

-நா.நவரத்தினராசா

கொக்குவில் வளர்மதி சனசமூக நிலையம் விக்ரம் - இராஜன் - கங்கு ஞாபகார்த்தமாக யாழ். மாவட்டத்தில் அழைக்கப்பட்ட துடுப்பாட்ட அணிகளுக்கிடையில் நடத்தும் 30 பந்துபரிமாற்றங்கள் கொண்ட துடுப்பாட்டப் போட்டியில் கொக்குவில் மத்திய சனசமூக நிலைய அணி 51 ஓட்டங்களால் வெற்றிபெற்றது.

கொக்குவில் இந்து கல்லூரி மைதானத்தில் கடந்த சனிக்கிழமை நடைபெற்ற போட்டியில் கொக்குவில் மத்திய சனசமூக நிலைய அணியினை எதிர்த்து ஜொலிஸ்ரார்ஸ் அணி மோதியது.

நாணயச் சுழற்சியில் வென்று முதலில் துடுப்பெடுத்தாடிய கொக்குவில் மத்திய சனசமூக நிலைய அணி 28 பந்துப் பரிமாற்றங்களில் 9 இலக்குகளை இழந்து 219 ஓட்டங்களைப் பெற்றது.

துடுப்பாட்டத்தில் எஸ்.உமாகாந் 75, எல்.ஆதித்தன் 41, ஆர்.இராகுலன் 24, எஸ்.ஜனுதாஸ் 20 ஓட்டங்களையும் பெற்றுக்கொடுத்ததுடன், உதிரிகளாக 29 ஓட்டங்கள் கிடைத்தன. பந்துவீச்சில் ஜொலிஸ்ரார்ஸ் அணி சார்பாக பிரசன்னா 3 (18) இலக்குகளைக் கைப்பற்றினர்.

220 ஓட்டங்களை வெற்றியிலக்காகக் கொண்டு பதிலுக்குத் துடுப்பெடுத்தாடிய ஜொலிஸ்ரார்ஸ் அணி, 25 பந்துபரிமாற்றங்களில் 168 ஓட்டங்களுக்கு சகல இலக்குகளையும் இழந்து 51 ஓட்டங்களால் தோல்வியடைந்தது.

துடுப்பாட்டத்தில் எம்.மணிவண்ணன் 42. எஸ்.பிரசன்னா 33 ஓட்டங்களையும் பெற்றுக்கொடுத்தனர். பந்துவீச்சில் கொக்குவில் மத்திய அணி சார்பாக ஏலாளசிங்கம் ஜெயரூபன் 6 பந்துப் பரிமாற்றங்களை வீசி 36 ஓட்டங்களுக்கு 5 இலக்குகளைக் கைப்பற்றினார்.

Comments - 0

அன்புள்ள வாசகர்களே,
நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .