ஞானம்ஸ் அணி சம்பியன்

Super User / 2014 ஜூன் 02 , மு.ப. 08:05 - 0 - {{hitsCtrl.values.hits}}

-ற.றஜீவன்

யாழ்.பருத்தித்துறை தும்பளை நாவலர் விளையாட்டுக்கழகம், யாழ்.மாவட்ட மென்பந்துத் துடுப்பாட்டக் கழகங்களுக்கிடையில் நடத்திய டுவெண்டி 20 துடுப்பாட்டச் சுற்றுப்போட்டியின், மாலுசந்தி மைக்கல் அணிக்கு எதிரான இறுதிப்போட்டியில் கரவெட்டி ஞானம்ஸ் அணி சம்பியனாகியது. இவ் இறுதிப் போட்டி நாவலர் கழக மைதானத்தில் நேற்று ஞாயிற்றுக்கிழமை (01) இடம்பெற்றது

மேற்படி டுவெண்டி 20 சுற்றுப்போட்டியில் யாழ்.மாவட்டத்தினைச் சேர்ந்த 51 கழகங்கள் பங்குபற்றியிருந்ததுடன், போட்டிகள் யாவும் விலகல் முறையில் இடம்பெற்றன.

இறுதிப் போட்டியில் நாணயச் சுழற்சியில் வென்று முதலில் துடுப்பெடுத்தாடிய மைக்கல் அணி 17.3 பந்துபரிமாற்றங்களில் 82 ஓட்டங்களைப் பெற்றது.

83 என்ற வெற்றியிலக்குடன் பதிலுக்குத் துடுப்பெடுத்தாடக் களமிறங்கிய ஞானம்ஸ் அணி 17.1 பந்துபரிமாற்றங்களில் 6 இலக்குகளை மாத்திரம் இழந்து வெற்றியிலக்கை அடைந்தது.

இச்சுற்றுப்போட்டியின் தொடர் ஆட்டநாயகனாக ஞானம்ஸ் அணியின் ரி.சுரேந்திரனும், இறுதிப்போட்டியின் ஆட்டநாயகனாக ஞானம்ஸ் அணியின் ரி.சுரேந்திரனும், சுற்றுப்போட்டியின் சிறந்த பந்துவீச்சாளராக ஞானம்ஸ் ற.கீதனும் தெரிவு செய்யப்பட்டனர்.

Comments - 0

அன்புள்ள வாசகர்களே,
நீங்கள் தெரிவிக்கும் கருத்துகளுக்கு நிர்வாகம் எவ்விதத்திலும் பொறுப்பாகாது. அவை உங்களின் தனிப்பட்ட கருத்துகளாகும். உங்களின் கருத்துகள் ஆசிரியரின் தகுந்த தணிக்கைக்குப் பிறகே பதிவேற்றம் செய்யப்படும் என்பதைக் கவனத்திற்கொள்க. உங்கள் யோசனைகளையும் எங்களுக்கு அனுப்புங்கள். .