பிஸ்மி அணி சம்பியன்

காத்தான்குடி (யூஸ்) கல்வி மற்றும் சமூகத்துக்கான ஒன்றியமும் அதன் இளைஞர் கழகமும் இணைந்து ஏற்பாடு செய்த கரப்பந்தாட்டச் சுற்றுப்போட்டியில் பிஸ்மி அணி சம்பியனாகியது.  

இப்போட்டி, கடந்த ஞாயிற்றுக்கிழமை (22) காத்தான்குடி கடற்கரையிலுள்ள வளவொன்றில்  இடம்பெற்றது.

ஸ்ரீலங்கா ஹிறா பவுன்டேஷன் மற்றும் அல் மனார் நிறுவனத்தின் அனுசரணையில் கல்வி மற்றும் சமூகத்துக்கான ஒன்றியத்தின் தலைவர் எம்.ஏ.எம்.சஹீத் தலைமையில் இடம்பெற்ற இக்கரப்பந்தாட்டச் சுற்றுப்போட்டியில் 6 அணிகள் பங்குபற்றின.

இறுதிப்போட்டியில் பிஸ்மி அணி 2:0 என்ற நேர் செற்கள் அடிப்படையில் ஒஸ்மான் அணியை வீழ்த்தி சம்பியனாகியது.
காத்தான்குடி பிரதேச சுகாதார வைத்திய அதிகாரி டாக்டர் யூ.எல்.நஸீர்தீன் மற்றும் கிராம உத்தியோகத்தர் எம்.றவூப் ஆகியோர் வழங்கி வெற்றிக் கிண்ணங்களை வழங்கினர்.