குறிஞ்சி இல்லம் முதலாமிடம்

ரீ.கே.றஹ்மத்துல்லா

திருக்கோவில் வலய பொத்துவில் விபுலானந்தர் அரசினர் தமிழ் கலவன் பாடசாலையின் வருடாந்த விளையாட்டுப்போட்டி பாடசாலை அதிபர் ஏ.சுமித்தா தேவி தலமையில் சனிக்கிழமை(28) பாடசாலை மைதானத்தில் இடம்பெற்றது.

குறிஞ்சி, மருதம் ஆகிய இரு அணிகளுக்கிடையில் நடைபெற்ற இவ்விளையாட்டுப் போட்டியில் 4 புள்ளி வித்தியாசத்தில் குறிஞ்சி இல்லம் முதலாம் இடத்தைப்பெற்றது.

இந்நிகழ்வில் பிரதம அதிதியாக பொத்துவில் பிரதேச சபைத் தவிசாளர் எம்.எஸ்.அப்துல் வாஸீத், திருக்கோவில் கோட்ட அதிகாரி வீ.ஜெயந்தன், மதகுரு, பாடசாலை அபிவிருத்தி குழு, பெற்றோர்கள் என பலர் கலந்துகொண்டனர்.