பெண்களுக்கான கூடைப்பந்தாட்ட போட்டி.கன்னியர் மடம் வெற்றி

-நா.நவரத்தினராசா

யாழ்ப்பாணம் இந்துக் கல்லூரியில் 125ஆவது ஆண்டு நிறைவையொட்டி நடத்தப்பட்ட கூடைப்பந்தாட்ட சுற்றுப்போட்டியின் பெண்களுக்கான இறுதிப்போட்டியில் யாழ். கன்னியர் மடம் மகா வித்தியாலய அணி 45:43 என்ற புள்ளிகள் அடிப்படையில் வெற்றிபெற்று சம்பியனாகியது. 

யாழ்ப்பாணம் இந்துக் கல்லூரி கூடைப்பந்தாட்ட சங்கமும் பழைய மாணவர் சங்கமும் இணைந்து யாழ். மாவட்ட கூடைப்பந்தாட்ட சங்கத்தின் ஆதரவுடன் இந்த கூடைப்பந்தாட்;ட சுற்றுப்போட்டியை நடத்தின. 

யாழ்ப்பாணம் இந்துக் கல்லூரியின் கூடைப்பந்தாட்ட திடலில் சனிக்கிழமை (21) நடைபெற்ற இறுதிப்போட்டியில் மருதனார்மடம் இராமநாதன் கல்லூரியும், யாழ்ப்பாணம் கன்னியர்மடம் மகா வித்தியாலயமும் மோதிக்கொண்டன. 

முதல் மூன்று சுற்றுக்களையும் கன்னியர் மடம் மகா வித்தியாலய அணி 10:04, 16:10, 17:14 என்ற புள்ளிகள் அடிப்படையில் கைப்பற்றியது. நான்காவதும் இறுதியுமான சுற்றில் வீறுகொண்டு எழுந்த இராமநாதன் மகளிர் கல்லூரி அணி, 15:02 என்ற புள்ளிகள் அடிப்படையில் வெற்றிகொண்டது. 

மொத்தப்புக்களின் அடிப்படையில் கன்னியர் மடம் மகா வித்தியாலய அணி, 45:43 என்ற புள்ளிகள் அடிப்படையில் வெற்றிபெற்றுச் சம்பியனாகியது.