உதைபந்தாட்ட சம்பியன்களாக ஹமீட் அல் ஹுஸைனி தெரிவு

அஸ்ஹர் இப்றாஹிம்

இலங்கை பாடசாலைகள் உதைபந்தாட்ட சம்மேளனம் கல்வியமைச்சுடன் இணைந்து ஒழுங்கு செய்திருந்த அகில இலங்கை பாடசாலைகளுக்கிடையிலான உதைபந்தாட்ட போட்டியின் மேல்மாகாண பாடசாலைகளுக்கிடையிலான போட்டியில் கொழும்பு ஹமீட் அல் ஹுசைனி கல்லூரி சம்பியன்களாக தெரிவு செய்யப்பட்டுள்ளது. 

நீர்கொழும்பு புனித மரியாள் கல்லூரியை இறுதிப் போட்டியில் 2 :0  என்ற கோல் கணக்கில் தோற்கடித்து சம்பியன்களானது. 

காலிறுதிப் போட்டியில் மாபொல அல் அஸ்றப் கல்லூரியை 5:0 என்ற கோல் அடிப்படையிலும், அரையிறுதிப் போட்டியில் கந்தான டி மெஸனோல்ட் கல்லூரியை 1:0 என்ற கோல் அடிப்படையில் வெற்றிகொண்டே இறுதிப் போட்டிக்கு தெரிவு செய்யப்பட்டது.