சம்பியனாகியது சாவகச்சேரி சிவன் அணி

-குணசேகரன் சுரேன்

மட்டுவில் மோனதாஸ் விளையாட்டுக் கழகம் தென்மராட்சிப் பிரதேச கழகங்களுக்கிடையில் நடத்திய 12 ஓவர்கள் கொண்ட மென்பந்தாட்டக் கிரிக்கெட் சுற்றுப் போட்டியில் சாவகச்சேரி சிவன் அணி சம்பியனாகியது.

இந்தச் சுற்றுப்போட்டியின் இறுதிப்போட்டி, மட்டுவில் மோனதாஸ் விளையாட்டுக்கழக மைதானத்தில் நடைபெற்ற போது, சாவகச்சேரி சிவன் அணியை எதிர்த்து மட்டுவில் வளர்மதி அணி மோதியது.

முதலில் துடுப்பெடுத்தாடிய வளர்மதி அணி, 12 ஓவர்களில் 60 ஓட்டங்களைப் பெற்றது. பதிலுக்குத் துடுப்பெடுத்தாடிய சிவன் அணி, 10.3 ஓவர்களில் 3 விக்கெட்களை இழந்து வெற்றியிலக்கை அடைந்தது.