சென். மேரிஸ், றோயல் வென்றன

அழைக்கப்பட்ட 12 கால்பந்தாட்டக் கழகங்களுக்கிடையில் வட மாகாண உடற்கல்வி டிப்ளோமா ஆசிரியர் சங்கத்தின் ஏற்பாட்டில் உரும்பிராய் இந்துக் கல்லூரி விளையாட்டு மைதானத்தில் நடைபெற்று வரும் அணிக்கு 7 பேர் கொண்ட கால்பந்தாட்டத் தொடரில், நேற்று இடம்பெற்ற போட்டிகளில் நாவாந்துறை சென். மேரிஸ் விளையாட்டுக் கழகமும் ஊரெழு றோயல் விளையாட்டுக் கழகமும் வென்றன.

கொற்றாவத்தை றேஞ்சர்ஸ் விளையாட்டுக் கழகத்தை எதிர்கொண்ட சென். மேரிஸ் விளையாட்டுக் கழகம் 3-2 என்ற கோல் கணக்கில் வென்றது.

இதேவேளை, அராலி பாரதி விளையாட்டுக் கழகத்தை எதிர்கொண்ட றோயல் விளையாட்டுக் கழகம் 5-2 என்ற கோல் கணக்கில் வென்றது.