நிந்தவூர் இம்ரானை வென்ற சாய்ந்தமருது பிளாஸ்டர்

அஸ்ஹர் இப்றாஹிம்

சாய்ந்தமருது ஸஹிரியன் விளையாட்டுக் கழகம் நடாத்தும் 17 வயதுக்குட்பட்டவர்களுக்கான இருபதுக்கு - 20 கிரிக்கெட் தொடரில், சாய்ந்தமருது பொலிவேரியன் விளையாட்டு மைதானத்தில் அண்மையில் நடைபெற்ற நிந்தவூர் இம்ரான் விளையாட்டுக் கழகத்துடனான போட்டியில சாய்ந்தமருது பிளாஸ்டர் விளையாட்டுக் கழகம் வென்றது.

இப்போட்டியில் முதலில் துடுப்பெடுத்தாடிய பிளாஸ்டர் 18 ஓவர்களில் 8 விக்கெட்டுகளை இழந்து 139 ஓட்டங்களைப் பெற்றது. பதிலுக்கு துடுப்பெடுத்தாடிய இம்ரான் 12.3 ஓவர்களில் சகல விக்கெட்டுகளையும் இழந்து 76 ஓட்டங்களையே பெற்றது. 

போதிய வெளிச்சமின்மை காரணமாக இம்ரானின் ஓட்ட எண்ணிக்கையானது மாற்றியமைக்கப்பட்ட நிலையில் டக்வேர்த் லூயிஸ் முறையில் பிளாஸ்டர் 49 ஓட்டங்களால் வெற்றி பெற்றதாக நடுவர்கள் அறிவித்தனர்.