விளையாட்டுக் கழகங்களுடனான கலந்துரையாடல்

எப். முபாரக் 

மூதூர் பிரதேச செயலக பிரிவில் பதிவு செய்யப்பட்ட விளையாட்டுக் கழகங்களுடனான விசேட கலந்துரையாடல் பிரதேச செயலாளர் எம்.பி.எம். முபாறக்கின் தலைமையில் பிரதேச செயலகத்தில் நடைபெற்றது.

மூதூர் பிரதேசத்தில் பதிவுசெய்யப்பட்ட 44 விளையாட்டுக் கழகங்களின் நிர்வாக உறுப்பினர்கள் கலந்து கொண்டதுடன், விளையாட்டுக் கழகங்களின் எதிர்கால செயற்பாடுகள் மற்றும் தன்னார்வ செயற்பாடுகள் தொடர்பாகவும் கழந்துரையாடப்பட்டது.

மேலும் 15 பேர் கொண்ட பிரதேச விளையாட்டு குழவும் அமைக்கப்பட்டது. அத்துடன் கலந்து கொண்ட கழகங்களால் பின்வரும் தீர்மானம்களும் எடுக்கப்பட்டன.

• விளையாட்டுத் துறையை முன்னேற்றும் பொருட்டு சிறந்த வீரர்களை இனங்கண்டு அவர்களுக்கான பயிற்சி முகாம்களை நடாத்தல்.
•  சிறந்த விளையாட்டு வீரர்களை கௌரவித்தல்.
• அனர்த்த காலங்களில் பிரதேச செயலகத்தோடு இனைந்து தொண்டுபணிகளில் ஈடுபடல்.

டெங்கு ஒழிப்பு மற்றும் சிரமதானங்களில் பங்குபற்றல்.