மாப்பொருள் பரிசோதனை: மாணவிகளுக்கு தீக்காயம்

பாணந்துறையில் உள்ள பிரபல பெண்கள் பாடசாலையொன்றின் ஆய்வகத்தில் மேற்கொள்ளப்பட்ட பரிசோதனையின் போது தீக்காயங்களுக்குள்ளான ஏழு மாணவிகள் பாணந்துறை வைத்தியசாலையில் அனுமதிக்கப்பட்டுள்ளனர்.

கடைசி நேர பாடவேளையில் ஈடுபட்ட மாப்பொருள்  பரிசோதனையின் போது வெளியேறிய தீப்பிழம்பு காரணமாக மாணவிகளுக்கு தீக்காயம் ஏற்பட்டுள்ளதாக தெரிவிக்கப்படுகிறது.

மாணவிகளின் முகம், தலை மற்றும் கைகளில் தீக்காயம் ஏற்பட்டுள்ளதாகவும், அவர்களின் நிலை கவலைக்கிடமாக இல்லை எனவும் வைத்தியசாலை பேச்சாளர் தெரிவித்துள்ளார்.