கதிரவன் கலை இலக்கிய சஞ்சிகையின் வெளியீட்டு விழா

(ரி.லோஹித்)

மட்டக்களப்பு, புதுக்குடியிருப்பு கதிரவன் கலை கழகத்தின் 'கதிரவன்' எனும் 9ஆவது கலை இலக்கிய சஞ்சிகையின் வெளியீட்டு விழா புதுக்குடியிருப்பு கண்ணகி வித்தியாலயத்தில் அண்மையில் இடம்பெற்றது.

கதிரவன் கலை கழகத்தின் தலைவரும் 'கதிரவன்' சஞ்சிகையின் ஆசிரியருமான த.இன்பராசா தலைமையில் இடம்பெற்ற இந்த வெளியீட்டு விழாவில் மட்டக்களப்பு மாவட்ட இந்து இளைஞர் பேரவையின் தலைவரும் நாடாளுமன்ற உறுப்பினருமான சீ.யோகேஸ்வரன் பிரதம அதிதியாக கலந்துகொண்டார்.

மூத்த எழுத்தாளர் இரா.நாகலிங்கம் (அன்புமணி), வர்த்தக கைத்தொழில் விவசாய சம்மேளன தலைவர் வி.றஞ்சித மூர்த்தி உள்ளிட்ட பலர் இதில் கலந்துகொண்டனர்.