ரமாவின் நடன விருந்து...

இந்தியாவின் முன்னணி சாத்ரிய நடன தாரகையும் சர்வதேச ரீதியில் பல விருதுகளை தனதாக்கிக் கொண்டவருமான கலைமாமணி ரமா வைத்தியநாதனின் பரதநாட்டிய நிகழ்வு நேற்று திங்கட்கிழமை கொழும்பு பிஸப்ஸ் கல்லூரி மண்டபத்தில் நடைபெற்றது. எக்ஸ்பிரஸ் பேப்பர்ஸ் நிறுவனத்தின் ஏற்பாட்டில் நடைபெற்ற இந்நிகழ்வில் இலங்கையின் முன்னணி கலைஞர்கள் பலரும் கலந்துகொண்டனர்.

உலகின் பல பாகங்களிலும் தனது நடனத் திறமையினால் சபையினரை மெய்சிலிர்க்க வைத்த ரமா வைத்தியநாதன் இம்முறை தனது மகளுடன் ஒரே மேடையில் தோன்றியமை சிறப்பானதாகும். அதுமட்டுமல்லாமல் இலங்கையின் முன்னணி கலைஞரான ரவிபந்து வித்யாபத்தி அவர்களும் இந்நடன நிகழ்வில் கலந்து ரமா வைத்தியநாதனுடன் தனது திறமையை பறைசாற்றியமை இனிமையான அனுபவமாக அமைந்திருந்தது.

கலைமாமணி ரமா வைத்தியநாதன் தனது மகளுடன் நடனமாடுவதையும் நிகழ்வில் கலந்துகொண்ட எக்ஸ்பிரஸ் நியூஸ்பேப்பர்ஸ் குழும உயரதிகாரிகளையும் அதிதிகளையும் படங்களில் காணலாம். (படங்கள்: குசான் பத்திராஜ)