மாகாண இலக்கிய விழாவை முன்னிட்டு அம்பாறையில் கலாசார விழா

-ரீ.கே.றஹ்மத்துல்லா

 

மாகாண இலக்கிய விழாவை முன்னிட்டு அம்பாறை மாவட்டத்தில் இடம்பெற்ற 'பாரம்பரிய கலாசார விழா' அக்கரைப்பற்று அதாவுல்லா அரங்கில் நடைபெற்றது.

 

கிழக்கு மாகாண பண்பாட்டலுவல்கள் திணைக்களமும், அக்கரைப்பற்று பிரதேச செயலகமும் இணைந்து இதனை நடாத்தி வருகின்றது.

 

அக்கரைப்பற்று பிரதேசசெயலாளர் எம்.வை. சலீம் தலைமையில் கடந்த வியாழக்கிழமை நடைபெற்ற இந்த நிகழ்வில் பிரதம அதிதியாக கிழக்கு மாகாண கல்வி அமைச்சர் விமலவீர திஸாநாயக்கவும் விசேட அதிதியாக கிழக்கு மாகாண அமைச்சர் எம்.எஸ்.உதுமாலெப்பை மற்றும் உள்ளுராட்சி மாகாண சபைகள் அமைச்சரின் இணைப்புச் செயலாளர் ஏ.பி.தாவூத், கிழக்கு மாகாண பண்பாட்டலுவல்கள் திணைக்களத்தின் பணிப்பாளர் ஏ.வெளிக்கல, மாவட்ட கலாசார உத்தியோகத்தர் ஏ.எல்.தௌபீக், பிரதேச கலாசார உத்தியோகத்தர்கள் கலந்து கொண்டனர்.

 

இதன்போது மாவட்ட, மாகாண, தேசிய ரீதியில் சாதனை படைத்த கலைஞர்களின் கலை, கலாசார, பாரம்பரிய நிகழ்வுகளும் இடம்பெற்றதுடன் அவர்களை பாராட்டிக் கௌரவிக்கும் நிகழ்வும் இடம்பெற்றது.