காட்டு யானை அட்டகாசம்

மட்டக்களப்பு, ஓட்டமாவடியிலுள்ள தோட்டத்துக்குள் வேலிகளை உடைத்துக்கொண்டு உள் நுழைந்த யானைக்கூட்டம் காய்க்கும் தென்னை மரங்களை துவம்சம் செய்து சாப்பிட்டு நாசமாக்கியதுடன், பயன் தரும் மரங்களையும் அழித்துள்ளன .

பல மணி நேரம் அட்டகாசம் புரிந்த காட்டு யானைகள் அமீரலி விளையாட்டரங்கு மைதானத்தின் ஊடாக வேலியை உடைத்துக்கொண்டு  வெளியேறி சேன்றுள்ளதுடன் தனித்துவிட்ட ஒரு யானை பிரதான பாதையை கடந்து அதன் இருப்பிடத்திற்கு சென்றுள்ளதை அவதானிக்க முடிந்துள்ளது.

குறித்த  யானைக்கூட்டமே காவத்தமுனை வாழ் மக்களையும் நீண்ட காலமாக அச்சுறுத்தி வருவதுடன் பயன் தரு தென்னை, வாழை, மா, பலா மரங்களையும் அழித்து, வீடுகள், மதில்கள், வேலிகள் போன்றவற்றையும் உடைத்து நாசமாக்கி வருகிறது.

பிரதேச செயலாளர், பிரதேச சபை தவிசாளர், வன இலாகா அதிகாரிகள் இது குறித்து நடவடிக்கைகளை மேற்கொள்ள வேண்டும் என பொதுமக்கள் கோரிக்கை விடுத்துள்ளனர்.

ரீ.எல்.ஜவ்பர்கான்