துப்பாக்கி ரவைகளுடன் ஒருவர் கைது

திருக்கோவில் பொலிஸ் பிரிவிலுள்ள விநாயகபுரம் பகுதியில் சட்டவிரோதமாக செட்கண் ரக துப்பாக்கியின் ரவைகளை வைத்திருந்து மிருகவேட்டையாடிவரும் 54 வயதுடைய ஒருவர் வெள்ளிக்கிழமை (27) இரவு துப்பாக்கி ரவைகளுடன் கைது செய்யப்பட்டுள்ளார்.

பொலிஸாருக்கு கிடைத்த இரகசிய தகவல் ஒன்றினையடுத்து விநாயகபுரம் 4ம் பிரிவு , காயத்திரி கிராமம் பகுதியில் குறித்த நபரின் வீட்டை முற்றுகையிட்டு சோதனையிட்ட போது பாவிக்க கூடிய செட்கண் ரக துப்பாக்கியின்  5 ரவைகளையும் வெறுமையான ரவைகள் 3 உட்பட 8 ரவைகளை மீட்டு சந்தேக நபர் கைது செய்யப்பட்டுள்ளார் .

மேலும் சந்தேக நபரை நீதிமன்றில் ஆஜர்படுத்த நடவடிக்கை எடுக்கப்பட்டுள்ளதாக தெரியவந்துள்ளது.

கனகராசா சரவணன்