வருடாந்த இடமாற்றப் பட்டியல் வெளியீடு

கிழக்கு மாகாண காணி நிருவாகத் திணைக்களத்தினுடைய குடியேற்ற உத்தியோகத்தர்கள்  மற்றும் காணி வெளிக்களப் போதனாசிரியர்களின் 2024ஆம் ஆண்டிற்கான வருடாந்த இடமாற்றப் பட்டியலை கிழக்கு மாகாண காணி நிருவாகத் திணைக்களம்  வெளியிட்டுள்ளது.

இவ்வாண்டிற்கான வருடாந்த  இடமாற்றமானது  2024.03.01 ஆம் திகதி முதல் அமுலாகும் எனவும் இந்த இடமாற்றம் தொடர்பான மேன்முறையீடுகளை 2024.01.15 ஆம் திகதிக்கு முன்னர் உரிய  உத்தியோகத்தர்கள் தமது  திணைக்களத்தின் www.eplandinfo.lk எனும்  இணையத்தளத்தினூடாக விண்ணப்பிக்க முடியுமெனவும் கிழக்கு மாகாண காணி ஆணையாளர் டீ.எம்.ஆர்.சீ.தசாநாயக்க    தெரிவித்துள்ளார்.

இவ்வாறான இடமாற்றம் தொடர்பில் திணைக்களத் தலைவர்கள் இடமாற்றம் வழங்கப்பட்ட உத்தியோகத்தர்களை உரிய சேவை நிலையத்திற்கு உரிய  நேரத்திற்கு விடுவித்து  அவர்கள் கடமையை பொறுப்பேற்பதற்கு வசதியாக  ஒத்துழைப்பு நல்கவேண்டுமெனவும் பிரதேச செயலாளர்களை கிழக்கு  மாகாண காணி ஆணையாளர் மேலும்  கேட்டுள்ளார்.