வவுணதீவில் அழுகிய நிலையில் ஆணின் சடலம் மீட்பு

கனகராசா சரவணன்

மட்டக்களப்பு வவுணதீவு பொலிஸ் பிரிவுக்குட்பட்ட சிப்பி மடுவில் நீர் நிலையில் இருந்து அழுகிய நிலையில் ஆண் ஒருவரின் சடலம்  வியாழக்கிழமை (26) மீட்டுள்ளதாக வவுணதீவு பொலிஸார் தெரிவித்தனர்.
 
வவுணதீவு, காந்திநகர் சின்ன சிப்பிமடுவைச் சேர்ந்த 51 வயதுடைய பொன்னம்பலம் சிங்கநாயகம் என்பவரே இவ்வாறு சடலமாக மீட்கப்பட்டார்

குறித்த நபர் கடந்த திங்கட்கிழமை (23)  காலையில் வீட்டில் இருந்து வெளியேறிச் சென்றவர்  வீடு திரும்பாததை அடுத்து அவரை உறவினர்கள் தேடி வந்த நிலையில் நீர் நிலையில் அழுகிய நிலையில் சடலமாக கிடப்பதை கண்டு பொலிஸாருக்கு தகவல் தெரிவித்தனர்.

இதனையடுத்து சம்பவ இடத்திற்கு பொலிஸார் மற்றும் திடீர் மரண விசாரணை அதிகாரி சென்று சடலத்தை பார்வையிட்டு சடலத்தை மீட்டு பிரேத பரிசோதனைக்காக மட்டக்களப்பு போதனா வைத்தியசாலையில் ஒப்படைத்தனர்.

இது தொடர்பான மேலதிக விசாரணைகளை வவுணதீவு பொலிஸார் மேற்கொண்டு வருகின்றனர்.