உலகின் மிக நீளமான கிறிஸ்மஸ் கேக்

உலகில் ஒரு கிலோமீற்றர் நீளமான கிறிஸ்மஸ் கேக் சீனாவில் தயாரிக்கப்பட்டுள்ளது.

சுமார் 1,068 மீற்றர் நீளமுடைய (3,504அடி) மேற்படி கேக்கை 80 சமையற் கலைஞர்கள் இணைந்து புடொங் ஷாங்கிரி லா ஹோட்டலில் தயாரித்துள்ளனர்.  

மேற்படி கேக்கானது கடந்த ஏழு நாட்களாக வடிவமைக்கப்பட்டு வந்தது.

904 முட்டைகள், 1045 கிலோ கிராம் கோதுமை, 209கிலோ கிராம் சீனி, 401கிலோ கிராம் சொக்லேட் மற்றும் 34 கிலோ கிராம் வெனிலா ஆகியவற்றை உள்ளடக்கி மேற்படி கேக்கை உருவாக்கியுள்ளனர்.

கேக் வடிவமைப்பின் இறுதி கட்டத்தின்போது, 150 ஊழியர்கள் இணைந்து 156  மேசைகளை பயன்படுத்தி மேற்படி கேக்கினை 24 மணி நேரத்தில் வடிவமைத்துள்ளனர்.

888 மீற்றர் (2913 அடி) நீளமுடைய கேக்கை வடிவமைப்பதற்கே இக்குழு திட்டமிட்டிருந்தது. ஆனால் அவர்கள் திட்டமிட்டதை விட நீளமான கேக்கை உருவாக்கி சாதனைப்படைத்துள்ளனர்.

பிரான்ஸில் 207 மீற்றர் நீளத்தில் தயாரிக்கப்பட்ட கேக்கே இதற்குமுன் உலகின் மிக நீளமான கேக்காக பதிவு செய்யப்பட்டிருந்தது.