331,038 மின் விளக்குகளால் அலங்காரம்

காதல் ஜோடியொன்று 331,038  அலங்கார மின்விளக்குகளை மூலம் தனது வீட்டை அலங்கரித்து புதிய உலக சாதனையொன்றை நிலைநாட்டியுள்ளது.

அவுஸ்திரேலியாவைச் சேர்ந்த  டேவிட் ரிச்சரட்ஸ் - ஜானியன் ரிச்சர்ட்ஸ் என்ற ஜோடியே இச்சாதனையை நிலைநாட்டியுள்ளது.

3 பிள்ளைகளைக் கொண்ட ரிச்சர்ட்ஸ், கடந்த 4 வருடங்களாக முயற்சித்து அலங்காரத்தை மேற்கொண்டுள்ளார்.

இது வெறுமனே அலங்கார நடவடிக்கையல்ல.  இந்த ஒளியூட்டுதல் மூலம், சிறுவர்களுக்கான தொண்டு நிறுவனமொன்றுக்கு நிதி திரட்டப்பட்டுள்ளது.

ரிச்சரட்ஸ் இதுக் குறித்து தெரிவிக்கையில், 2002   இல் தனது வாழ்க்கையின் கடினமான காலப்பகுதியில் தனது குடும்பத்துக்கு அந்நிறுவனம் உதவியதென தெரிவித்துள்ளார்.

எப்படியிருப்பினனும் அவர்கள் கின்னஸ் சாதனையில் உள்நுழைந்துள்ளதுடன் அதனூடாக பெற்றுக்கொள்ளும் பணத்தை சிறுவர் தொண்டு நிறுவனத்திற்கு வழங்கவுள்ளனர்.

இதேவேளை அடுத்த வருடம் இதே திட்டத்தை அவர் மேற்கொள்ளப்போவதில்லையென அறிவித்துள்ளனர்.
தொண்டு நிறுவனத்திற்கு உதவுவதற்கு ஊப்புவிப்பாக இந்த விசித்திர விளக்குகள் அமையும்.