1,275 வெற்றிடங்களுக்கு விண்ணப்பம் கோரல்

சிறைச்சாலை காவலர்கள்,ஜெயிலர்கள், புனர்வாழ்வளிக்கும் அதிகாரிகள் என, 1,275  பேர் புதிதாக சேவையில் இணைத்துக்​கொள்ளப்படவுள்ளனர்.

இதற்கான வர்த்தமானி அறிவித்தல் நாளை (29) வெளியிடப்படுமென, நீதிமன்ற மற்றும் சிறைச்சாலைகள் மறுசீரமைப்பு அமைச்சு தெரிவித்துள்ளது.

ஆண் காவலர்களாக 1,068 பேரும், பெண் காவலர்களாக 110 பேரும் இவ்வாறு இணைத்துக்கொள்ளப்படவுள்ளனர்.

அத்துடன், 2 ஆம் நிலை ஆண் ஜெயிலர்களாக 69 பேரும், 2 ஆம் நிலை பெண் ஜெயிலர்களாக10 பேரும் இணைத்துக்கொள்ளப்படவுள்ளனர்.

விண்ணப்பங்களை பொறுப்பேற்கும் திகதி, ஏப்ரல் மாதம் 22 உடன் நிறைவடையவுள்ளதாக, அமைச்சு மேலும் தெரிவித்துள்ளது.