12,000 பட்டதாரிகளுக்கு வேலைவாய்ப்பு

12,000 பட்டதாரிகளுக்கு இந்த மாதம் 30,31, ஓகஸ்ட் மாதம் 1ஆம் திகதிகளில் வேலைவாய்ப்புகளை வழங்க அரசாங்கம் தீர்மானித்துள்ளது.

அதற்கமைய, 2013ஆம் ஆண்டு தொடக்கம் 2018ஆம் ஆண்டு வரை பட்டம் பெற்ற மாணவர்களுக்காக இந்த வாய்ப்பு வழங்கப்படவுள்ளது.

வெளிவாரி பட்டதாரி மாணவர்களுக்கும் தொழில்வாய்ப்புகளை வழங்க அரசாங்கம் தீர்மானித்துள்ளதாகத் தெரிவிக்கப்பட்டுள்ளது.

பட்டதாரிகள் அனைவருக்கும் ஒரே தடவையில் தொழில்வாய்ப்புகளை வழங்கும் முதலாவது சந்தர்ப்பம் இதுவென்று நாடாளுமன்ற உறுப்பினர் மரிக்கார் தெரிவித்துள்ளார்.

அலரிமாளிகையில் இன்று இடம்பெற்ற ஊடகவியலாளர் சந்திப்பில் கலந்துக்கொண்ட போதே, அவர் மேற்கண்டவாறு தெரிவித்துள்ளார்.

பட்டதாரிகள் எந்த கட்சி, எந்த இனம் என்று பாராமல் வெளிப்படையாக இந்தத் தொழில்வாய்ப்புகள் வழங்கப்படவுள்ளதாகவும் அவர் தெரிவித்துள்ளார்.