தேர்தலில் போட்டியிடேன்; கோட்டாபய தீர்மானம்

எதிர்வரும் பொதுத் தேர்தலில் போட்டியிடுமாறு பல தரப்புக்களிலிருந்தும் அழைப்புக்கள் வருகின்ற போதிலும், நான் இந்த தேர்தலில் போட்டியிடப்போவதில்லை என்ற தீர்மானத்தை எடுத்துள்ளேன் என பாதுகாப்பு அமைச்சின் முன்னாள் செயலாளர் கோட்டாபய ராஜபக்ஷ தெரிவித்தார்.

தனது முகப்புத்தகக் கணக்கில் செய்திக் குறிப்பொன்றை பதிவேற்றம் செய்துள்ள கோட்டாபய அதில், 'நாட்டில் நிலைகொண்டிருந்த பயங்கரவாதத்தை ஒழிப்பதற்கும் இந்நாட்டை அபிவிருத்தியின் பாதையில் கொண்டுசெல்வதற்கும் நான் வழங்கிய ஒத்துழைப்பை தொடர்ந்தும் வழங்க கடமைப்பட்டுள்ளேன்' என்று குறிப்பிட்டுள்ளார்.

இந்த நாட்டுக்காகவும் நாட்டின் அபிவிருத்திக்காகவும் நான் எனது பங்களிப்பை தொடர்ந்து வழங்குவேன். நாட்டின் இறைமையைப் பாதுகாக்கும் சவாலொன்று எமக்கு முன்னால் உள்ளது. அதற்காக நாம் ஒன்றுபடுவோம்' என்று கோட்டாபய தனது செய்திக் குறிப்பில் மேலும் தெரிவித்துள்ளார்.