ஐந்து செல்வங்களுக்கு தாயாவேன்: ஹிருணிகா

சில தினங்களுக்கு முன்னர் திருமண பந்தத்தில் இணைந்த ஹிருணிகா தொடர்பில் தற்போது சில வதந்திகள் பரவிவருகின்ற நிலையிலேயே, அது தொடர்பில் அவர், தனியார் ஊடகமொன்றுக்கு விளக்கமளித்துள்ளார். அதன்போதே அவர் மேற்கண்டவாறு கூறியுள்ளார். 

இது குறித்து தொடர்ந்து கருத்து தெரிவித்துள்ள ஹிருணிகா, 'நான் கர்ப்பம் தரித்துள்ளதாலேயே திடீரென திருமண பந்தத்தில் இணைந்ததாக சிலர் கூறுகின்றனர். நான் அவர்களுக்கு ஒரே ஒரு விடயத்தை மாத்திரமே சொல்ல விரும்புகின்றேன். ஒன்பது மாதங்களில் பார்த்துக்கொள்ளுங்கள் எது உண்மை என்று' எனக் கூறினார். 

'ஹிரான் என்னுடைய மூன்றாவது காதலன். என் தந்தையைப் போல் என்னைப் பார்த்துக்கொள்ளும் ஒருவரையே நான் இதுவரை காலமும் தேடிக்கொண்டிருந்தேன். அது தற்போது நிறைவேறியுள்ளது. 

எங்களுடைய திருமண வாழ்க்கையை எண்ணி நான் மிகவும் மகிழ்ச்சியடைகிறேன். இந்த திருமண வாழ்க்கையில் நான் ஐந்து பிள்ளைகளைப் பெற்றுக்கொள்வேன்' என்று ஹிருணிகா, மேலும் கூறினார்.