3 வயது குழந்தையை தாக்கிய தாய் கைது

துசித குமார

அகலவத்த தாபலிகொடவத்த பிரதேசத்தைச் சேர்ந்த 25 வயதுடைய தாய் ஒருவர், தனது 3 வயது குழந்தையைக் கடுமையாகத் தாக்கிய குற்றச்சாட்டில், நேற்று (03) கைதுசெய்யப்பட்டுள்ளார்.

பொலிஸ் அவசர இலக்கத்துக்கு கிடைக்கப்பெற்ற தகவலையடுத்து, குறித்த இடத்துக்குச் சென்ற பொலிஸார்,  அப்பெண்ணைக்  கைதுசெய்துள்ளார்.

கைதுசெய்யப்பட்ட பெண்ணின் கணவன் குறித்த பெண்ணை கைவிட்டுச் சென்றுள்ளதுடன், உறவினர்களின் உதவியுடன் ஆடைத் தொழிற்சாலை ஒன்றில் அப்பெண் தொழில்புரிந்து குழந்தையுடன் வாழ்ந்து வருவதாக, பொலிஸ் விசாரணைகள் மூலம் தெரியவந்துள்ளது.

தாக்குதலுக்கு இலக்காகி காயமடைந்த குழந்தை, நாகொடை வைத்தியசாலையில் அனுமதிக்கப்பட்டுள்ளதுடன், கைதுசெய்யப்பட்ட பெண் மனநோயால் பாதிக்கப்பட்டுள்ளாரா என்பது தொடர்பில் பரிசோதனை மேற்கொண்ட பின்னர், நீதிமன்றில் ஆஜர்படுத்த நடவடிக்கை எடுத்துள்ளதாக, அகலவத்த  பொலிஸ் தெரிவித்தனர்.