851 முறைப்பாடுகள்; 11 பேர் கைது

ஜனாதிபதி தேர்தலுடன் தொடர்புடைய வன்முறை சம்பவங்கள் தொடர்பில் இதுவரை  2 பிரதேச சபை உறுப்பினர்கள் உள்ளிட்ட 11 பேர் கைது செய்யப்பட்டுள்ளதாக பொலிஸ் ஊடகப்பேச்சாளர்  தெரிவித்துள்ளார்.

இதேவேளை,  ஜனாதிபதி தேர்தலுடன் தொடர்புடைய 851 முறைப்பாடுகள் இதுவரை பதிவாகியுள்ளதாக தேர்தல் ஆணைக்குழு தெரிவித்துள்ளது.

கடந்த 08 ஆம் திகதி தொடக்கம் நேற்று (17) வரை இந்த முறைப்பாடுகள் கிடைத்துள்ளன.

தேர்தல் விதி மீறல்கள் தொடர்பில் 814 முறைப்பாடுகளும், வன்முறை சம்பவங்கள் தொடர்பில் 8 முறைப்பாடுகளும் 29 வேறு முறைப்பாடுகளும் கிடைக்கப்பெற்றுள்ளன.

அத்துடன், நேற்று (17) பிற்பகல் 04.30 மணியுடன் நிறைவடைந்த 24 மணித்தியாலங்களில் 89 முறைப்பாடுகள் பதிவாகியுள்ளமை குறிப்பிடத்தக்கது.