PT அனுமதிப்பத்திரம் கட்டாயம்: பிமல் அதிரடி

அனைத்து பொதுப் போக்குவரத்து ஓட்டுநர்களும் பொதுப் போக்குவரத்து (PT) அனுமதிப்பத்திரத்தை பெறுவது கட்டாயமாக்கப்படும் என்று போக்குவரத்து அமைச்சர் பிமல் ரத்நாயக்க சனிக்கிழமை (20) அறிவித்தார். டிசம்பர் 31 ஆம் திகதிக்குள் அதனை பெற்றுக்கொள்ள வேண்டும் என்றும் அறிவித்தார்.

அம்பாறையில் நடைபெற்ற கூட்டத்தில் பேசிய அமைச்சர், தேவையான அனைத்து விதிமுறைகளும் ஏற்கனவே இறுதி செய்யப்பட்டுள்ளதாகக் கூறினார்.

தற்போது இயக்கப்படும் பெரும்பாலான பேருந்துகளில் சீட் பெல்ட்கள் பொருத்தப்படவில்லை என்றாலும், சீட் பெல்ட்கள் கட்டாயமாக்கப்பட்டுள்ளன என்றும் அவர் மேலும் கூறினார். பேருந்து உரிமையாளர்கள் தங்கள் வாகனங்களை மாற்றியமைக்கலாம் என்றாலும், பின்னர் சீட் பெல்ட்களைச் சேர்க்க அனுமதிக்கப்படுவதில்லை என்று அவர் தெளிவுபடுத்தினார்.

“பொதுப் போக்குவரத்துத் துறையை தீவிரமான மற்றும் பொறுப்பான நபர்கள் கையாள வேண்டும். இந்தத் தொழிலை பெரிதாக எடுத்துக் கொள்ளாதவர்கள் பயணிகளை ஏற்றிச் செல்ல ஏற்றவர்கள் அல்லர்” என்று அமைச்சர் மேலும் கூறினார்.