ஆங்கில ஆசிரியைக்கும் பரீட்சார்த்திக்கும் பிணை

அலைபேசியை பயன்படுத்தி ஆங்கிலப் பரீட்சை எழுதினார் என்றக் குற்றச்சாட்டின் கீழ் கைதுசெய்யப்பட்ட பரீட்சார்த்தியும், குறுஞ்செய்தியின் ஊடாக அவருக்கு உதவினார் என்று குற்றஞ்சாட்டப்பட்ட, ஆங்கில ஆசிரியையும் பிணையில் விடுவிக்கப்பட்டுள்ளனர்.

அவ்விருவரும், பலாங்கொடை நீதவான் நீதிமன்றத்தில் ஆஜர்படுத்தப்பட்டனர். அவ்விருவரையும் த​லா 2 இலட்சம் ரூபாய் பெறுமதியான சரீரப் பிணையில், நீதவானும் மற்றும் மாவட்ட நீதிபதியுமான துமிந்த பீ முதுன்கொட கட்டளையிட்டார்.

அந்த ஆசிரியை, பரீட்சை கடமைகளில் ஈடுபட்டிருந்த ஆசிரியை என்று விசாரணைகளிலிருந்து அறியமுடிகின்றது என பொலிஸார் தெரிவித்தனர்.