ஆசிஃப் அஹமட் CIDயில் ஒப்படைப்பு

சஹ்ரான் ஹாசிமுடன் நுவரெலியா - ப்ளக்பூல் முகாமில் பயிற்சிபெற்றவர் என சந்தேகத்தின் பேரில், மஹரகமயில் நேற்று கைது செய்யப்பட்டவர், குற்றப் புலனாய்வு பிரிவிடம் ஒப்படைக்கப்பட்டுள்ளார்.

இவ்வாறு கைதுசெய்யப்பட்டவர், அரணாயக்க - திப்பிட்டிய பகுதியைச் சேர்ந்த மொஹமட் தாஜுதீன் ஆசிஃப் அஹமட் (20 வயது) என, பொலிஸார் தெரிவித்தனர்.

இவர், கடந்த 3 தினங்களுக்கு முன்னர் மஹரகமயில் உள்ள ஆடை விற்பனை நிலையம் ஒன்றில் பணியில் இணைந்துள்ளார் என்பது விசாரணைகளில் கண்டறியப்பட்டுள்ளது.