ஆப்கானிஸ்தானின் அதிர்வே கண்டியில் உணரப்பட்டது

கண்டி, மெததும்பர பகுதியில், சிறியதொரு நிலநடுக்கம் ஏற்பட்டுள்ளமை பதிவாகியுள்ளது. திங்கட்கிழமை (29) இரவு 10.30க்கு 11 மணிக்கும் இடைப்பட்ட நேரத்திலேயே  இந்த நிலநடுக்கம் பதிவாகியுள்ளதாக, புவியியல் ஆய்வு மற்றும் சுரங்கப் பணியகம் தெரிவித்துள்ளது.

பல்லேகல, ஹக்மான்ன மற்றும் மஹாகனதரவ பகுதிகளில் அமைந்துள்ள நிலநடுக்க கண்காணிப்பு நிலையங்களில், இந்த நிலநடுக்கத்தின் அதிர்வுகள் பதிவாகியுள்ளன. இவை  தொடர்பான துல்லிய தகவல்களை, கண்காணிப்பு நிலையங்கள் ஆராய்ந்து வருகின்றன.

இந்நிலையில், ஆப்கானிஸ்தான் ஹிந்துகுஷ் மலைப்பாங்கான பிரதேசத்தில் அண்மையில் ஏற்பட்ட பூமியதிர்வின் பெறுபேறாகவே, மெததும்பரையில் பூமியதிர்வு உணரப்பட்டதாக நிபுணர்கள் சுட்டிக்காட்டியுள்ளனர்.