இணைத் தலைமைகளை நியமிக்க தீர்மானம் ?

ஸ்ரீ லங்கா சுதந்திரக் கட்சி,  ஸ்ரீ லங்கா பொதுஜன பெரமுன உள்ளிட்ட கட்சிகள் இணைந்து அமைக்கவுள்ள கூட்டணிக்கு சம தலைமைத்துவங்களை இணைத் தலைவர்களை நியமிக்க தீர்மானிக்கப்பட்டுள்ளதென ​இராஜாங்க அமைச்சர் செஹான் சேமசிங்க தெரிவித்துள்ளார். 

எவ்வாறாயினும் இந்த தீர்மானத்தை ஸ்ரீ லங்கா சுதந்திரக் கட்சியை சேர்ந்தவர்க​ளே எடுத்துள்ளதாக தெரிவித்துள்ள அவர்,  அது குறித்து பிரதமர் மஹிந்த ராஜபக்‌ஷவால் பொதுஜன பெரமுனவினருக்கு இதுவரையில் அறிவிக்கப்படவில்லை என்றும் தெரிவித்தார். 

எவ்வாறாயினும், நல்லாட்சி அரசாங்கத்தின் தோல்விக்கு இரண்டு தலைமைத்துவங்கள் இருந்தமையே காரணமெனத் தெரிவித்த அவர்,  ஐக்கியத் தேசியக் கட்சியை முழுமையாக தோற்கடிக்கும் வகையிலான தீர்மானம் ஒன்றை மேற்கொள்வதையே விரும்புவதாகவும் தெரிவித்தார்.