இந்திய மீனவர்கள் 12 பேர் கைது

எம்.யூ.எம்.சனூன்

இலங்கை கடற்படையினர் தலைமன்னார் வடக்கு கடல் பகுதியில் செவ்வாய்க்கிழமை (23) அன்று அதிகாலை மேற்கொண்ட சிறப்பு தேடுதல் நடவடிக்கையின் போது, உள்ளூர் கடற்பரப்பில் சட்டவிரோத மீன்பிடி நடவடிக்கைகளில் ஈடுபட்ட ஒரு (01) இந்திய மீன்பிடி படகை கைப்பற்றியதுடன்  இந்திய மீனவர்கள் 12 பேரை கைது செய்துள்ளனர்.   

நாட்டின் கடல் எல்லைக்குள் வெளிநாட்டு மீன்பிடி படகுகள் அத்துமீறி மேற்கொள்ளும் சட்டவிரோத மீன்பிடி நடவடிக்கைகளால் கடல் சூழல் மற்றும் உள்ளூர் மீனவ சமூகத்தின் வாழ்வாதாரம் பாதிக்கப்படுவதைத் தடுக்க இலங்கை கடற்படை மற்றும் கடலோர காவல்படை வழக்கமான நடவடிக்கைகளை மேற்கொண்டு வருகின்றன. இதன் மூலம் நாட்டின் கடல் சுற்றுச்சூழல் அமைப்புகளைப் பாதுகாப்பதற்கும் உள்ளூர் மீனவ சமூகத்தின் பொருளாதார மற்றும் சமூகப் பாதுகாப்பிற்கும் கூட்டு, வலுவான அணுகுமுறை மற்றும் உறுதியான அர்ப்பணிப்பு வலியுறுத்தப்படுகிறது.

அதன்படி,     டிசம்பர் 23 அன்று  அதிகாலையில், தலைமன்னாருக்கு வடக்கே உள்ள உள்ளூர் கடல் பகுதிக்குள் நுழைந்து சட்டவிரோத மீன்பிடி நடவடிக்கைகளில் ஈடுபட்டிருந்த பல இந்திய மீன்பிடி படகுகளை வட மத்திய கடற்படை கட்டளை அதிகாரிகள் கண்காணித்தனர். மேலும், அந்த கடற்படை கட்டளையுடன் இணைக்கப்பட்ட கடற்படை கப்பல்களை பயன்படுத்தி நாட்டின் கடல் பகுதியிலிருந்து அந்த மீன்பிடி படகுகளை அகற்ற சிறப்பு நடவடிக்கை மேற்கொள்ளப்பட்டது. அந்த நேரத்தில், இலங்கை கடற்படை உள்ளூர் கடல் பகுதியில் சட்டவிரோத மீன்பிடி நடவடிக்கைகளில் தொடர்ந்து ஈடுபட்டிருந்த ஒரு இந்திய மீன்பிடி படகில் (01) சட்டப்பூர்வமாக ஏறி ஆய்வு செய்ததுடன். எல்லைச் சட்டங்களை மீறி சட்டவிரோத மீன்பிடி நடவடிக்கைகளில் ஈடுபட்டிருந்த (01) இந்திய மீன்பிடி படகை கைப்பற்றியதுடன் பன்னிரண்டு (12) இந்திய மீனவர்கள் கடற்படையினரால் கைது செய்யப்பட்டுள்ளனர்.

இந்த நடவடிக்கைகளின் மூலம் கடற்படையினரால் கைப்பற்றப்பட்ட இந்திய மீன்பிடி படகு மற்றும் இந்திய மீனவர்கள் மேலதிக சட்ட நடவடிக்கைகளுக்காக மன்னார் மீன்வள ஆய்வாளர் அலுவலகத்தில் ஒப்படைக்கப்பட்டனர்.

இந்திய செய்தியில் தெரிவிக்கப்பட்டுள்ளதாவது...

 ராமேஸ்வரம்: நடுக்கடலில் மீன் பிடித்த ராமேஸ்வரம் மீனவர்கள் 12 பேரை இலங்கை கடற்படையினர் கைது செய்து அந்நாட்டின் வவுனியா சிறையில் அடைத்தனர். இதையடுத்து இன்று (டிச.இ 24) ஸ்டிரைக் நடத்த முடிவு செய்யப்பட்டுள்ளது.

டிச.இ 22 ல் ராமேஸ்வரத்தில் இருந்து 480 விசைப்படகுகளில் மீன்பிடிக்க சென்ற மீனவர்கள் வழக்கம் போல் இந்தியஇ இலங்கை எல்லையில் மீன் பிடித்தனர். அங்கு ரோந்து சென்ற இலங்கை கடற்படை வீரர்கள் துப்பாக்கியை காட்டி எச்சரித்து மீனவர்களை மீன்பிடிக்க விடாமல் விரட்டினர். இதனால் பீதியடைந்த மீனவர்கள் கடலில் வீசிய வலையை அவசரமாக படகில் இழுத்து வைத்து நாலாபுரறமும் சிதறி ஓடினர்.

அப்போது தங்கச்சிமடம் ஜோதிபாஸ் என்பவரது படகை மடக்கி பிடித்த இலங்கை வீரர்கள் படகில் இருந்த மீனவர்கள் பிரபாத் 27இ சந்தியா 33இ ஜேம்ஸ் கெய்டன் 26இ கயூஸ்ராஜ் 34இ டோஜா 16இ அந்தோணி டெல்மேன் 31இ ஆக்போநிஜோ 18இ மரிய ஆண்டோபெஸ்டன் 19இ கோர்பசேவ் 32இ மதன்சன் 28இ நிமல்சகாயம் 27இ ஆனந்த் 20இ ஆகியோரை கைது செய்து மன்னார் போலீசாரிடம் ஒப்படைத்தனர். மீனவர்கள் மீது எல்லை தாண்டியதாக வழக்கு பதிந்து வவுனியா சிறையில் அடைத்தனர்.

மீனவர்கள் இன்று ஸ்டிரைக் நேற்று சிறையில் அடைக்கப்பட்ட 12 மீனவர்கள் மற்றும் இலங்கை சிறையில் தண்டனை கைதிகளாக உள்ள மீனவர்களையும் விடுவிக்காமல் உள்ள படகுகளையும் மீட்டுத்தர மத்தியஇ மாநில அரசுகள் நடவடிக்கை எடுக்க வேண்டும். இப்பிரச்னைக்கு நிரந்தர தீர்வு காண இலங்கை அரசுடன் பேச்சுவார்த்தை நடத்த வேண்டும். தமிழகம் வரும் பிரதமர் மோடியை சந்தித்து இதுகுறித்து முறையிடப்படும்.

இக்கோரிக்கைகளை வலியுறுத்தி இன்று (டிச.இ 24) மீனவர்கள் மீன்பிடிக்க செல்லாமல் வேலை நிறுத்தம் செய்வது என ராமேஸ்வரம் மீனவர்கள் தீர்மானம் நிறைவேற்றினர்.