இலங்கையில் புதிதாக 8 இலட்சம் வீடுகள் : வடக்கில் மிகக்குறைவு

இலங்கையில் இறுதியாக மக்கள் தொகை மற்றும் வீட்டு கணக்கெடுப்பு 2012ஆம் ஆண்டு முன்னெடுக்கப்பட்டது.

இதையடுத்து 12 ஆண்டுகளுக்குப் பிறகு 2024 இல் மக்கள் தொகை மற்றும் வீட்டு கணக்கெடுப்பு நடத்தப்பட்டது.

அதன்படி, 2012 மற்றும் 2024 க்கு இடையில் வீட்டு அலகுகளின் எண்ணிக்கை 822,801 அதிகரித்துள்ளது என்று மக்கள் தொகை கணக்கெடுப்பு மற்றும் புள்ளிவிவரத் துறை தெரிவித்துள்ளது.

2024 மக்கள் தொகை மற்றும் வீட்டு கணக்கெடுப்பின் தகவல்களின்படி,

இலங்கையில் மொத்த வீடுகளின் எண்ணிக்கை 6,030,541 ஆகும். இதில், அதிக எண்ணிக்கையிலான வீடுகள் மேல் மாகாணத்தில் பதிவாகியுள்ளன. நாட்டின் மிகக் குறைந்த எண்ணிக்கையிலான வீடுகள் வடக்கு மாகாணத்தில் பதிவாகியுள்ளன.

2012 ஆம் ஆண்டு கணக்கெடுப்பின்படி, இலங்கையில் குடியிருப்பு வீடுகளின் எண்ணிக்கை 5,207,740 ஆக இருந்தது, மேலும் 2024 ஆம் ஆண்டு மக்கள் தொகை மற்றும் வீட்டுவசதி கணக்கெடுப்பில், அந்த எண்ணிக்கை 6,030,541 ஆக அதிகரித்துள்ளது.

2012 மற்றும் 2024 க்கு இடையில், வீட்டுவசதி அலகுகள் 822,801 அதிகரித்துள்ளது, இது சதவீதமாக 15.8 ஆக பதிவாகி உள்ளது.

நாட்டில் அதிக வீட்டு அலகுகளின் எண்ணிக்கை கம்பஹா மாவட்டத்திலிருந்து பதிவாகியுள்ளன. அந்த எண்ணிக்கை 688,635 ஆகும்.

மன்னார் மாவட்டத்தில் மிகக் குறைந்த வீட்டுவசதி அலகுகள் பதிவாகியுள்ளன. இது எண்ணிக்கையில் 32,330 வீடுகளாக குறிப்பிடப்பட்டுள்ளது. R