ஒரு தொகை கடலாமை இறைச்சியுடன் இருவர் கைது

ரஸீன் ரஸ்மீன்

கடலாமை இறைச்சிகளை வைத்திருந்த தாய் மற்றும் மகள் ஆகிய இருவரையும், எதிர்வரும் 14ஆம் திகதி வரை விளக்கமறியலில் வைக்கும்ப​டி, சிலாபம் நீதவான் நீதமன்ற நீதிபதி பீ.அபேசிங்க உத்தரவிட்டுள்ளார்.

ஆராய்ச்சிகட்டுவ – நகுல்எலிய பிரதேசத்தில் வைத்து குறித்த இருவரும் கைது செய்யப்பட்டுள்ளனர்.

வனஜீவராசிகள் மற்றும் கடற்படை அதிகாரிகள் இணைந்து மேற்கொண்ட காவல் நடவடிக்கைகளின் ​போதே, கடலாமை இறைச்சியுடன் இருவரும் நேற்று (12) கைது செய்யப்பட்டதாக வனஜீவராசிகள் திணைக்கள அதிகாரிகள் தெரிவித்தனர்.

அத்தோடு ஆமை ஓடுகள், ஒரு தொகை இறைச்சி, 111 ஆமை முட்டைகள் மற்றும் இறைச்சியாக்குவதற்கு பயன்படுத்தப்பட்ட உபகரணங்கள் என்பவையும் மீட்கப்பட்டதாகத் தெரிவிக்கப்பட்டுள்ளது.