ஒரு வயது குழந்தையை தாக்கிய தந்தை கைது

-எப்.முபாரக்

திருகோணமலையில் ஒரு வயது குழந்தையை தாக்கிய தந்தையை  நேற்றிரவு (2) கைது செய்துள்ளதாக, திருகோணமலை தலைமையக பொலிஸார் தெரிவித்தனர்.

திருகோணமலை - திருக்கடலூர் பகுதியைச் சேர்ந்த 36 வயதுடைய ஒருவரே, இவ்வாறு கைதுசெய்யப்பட்டுள்ளார்.

சந்தேக நபர் மதுபோதையில், ஒரு வயது குழந்தைக்கும் மனைவிக்கும் தாக்கியதாக பொலிஸாருக்கு கிடைத்த அவசர தொலைபேசி அழைப்பையடுத்தே, குறித்த நபர் கைதுசெய்யப்பட்டார்.

குழந்தையும் மனைவியும் வைத்தியசாலையில் அனுமதிக்கப்பட்டுள்ளனர்.