ஓட்டோ - லொரி விபத்து; சாரதி படுகாயம்

பதுளை, மஹியங்கனை பிரதான வீதியில் இடம்பெற்ற லொரி - ஓட்டோ விபத்தில் படுகாயமடைந்த நிலையில், வைத்தியசாலையில் ஒருவர் அனுமதிக்கப்பட்டுள்ளார்.

நேற்று (18) குறித்த பகுதியில் நிறுத்தி வைக்கப்பட்டிருந்த ஓட்டோவொன்றின் மீது, லொரி மோதுண்டதிலேயே விபத்து நேர்ந்துள்ளதாகப் ​பொலிஸார் தெரிவித்தனர்.

பதுளையிலிருந்து மஹியங்கனை நோக்கிப் பயணித்த லொரியின்  தடுப்பில் ஏற்பட்ட கோளாறு காரணமாகவே இந்த விபத்து நேர்ந்துள்ளது.

குறித்த லொறியில் மூவர் பயணித்துள்ள நிலையில், லொரியின் சாரதி படுகாயங்களுக்குள்ளான நிலையில், வைத்தியசாலையில் அனுமதிக்கப்பட்டுள்ளதாகப் பொலிஸார் மேலும் கூறியுள்ளனர்.