கசிப்பு பருகிய 7 பேருக்கு தொடர்ந்தும் சிகிச்சை

வென்னப்புவ பொலிஸ் பிரிவுக்குட்பட்ட தம்பரவில பகுதியில், கசிப்பு அருந்தி சுகவீனமடைந்த 07 பேர்  நீர்கொழும்பு மாவட்ட பொது மருத்துவமனையில் சிகிச்சை பெற்று வருவதாக வென்னப்புவ காவல்துறையினர் தெரிவிக்கின்றனர்.

இந்த சம்பவத்தில் ஐந்து பேர் செவ்வாய்க்கிழமை (06) அன்று உயிரிழந்தனர், அவர்கள் 28 முதல் 57 வயதுக்குட்பட்டவர்கள் ஆவர்.

இந்த சட்டவிரோத மதுபானத்தை தயாரித்த நபர் தற்போது அப்பகுதியை விட்டு தப்பிச் சென்றுள்ளார், அவரது மனைவி தங்கொட்டுவ - கோனாவல பகுதியில் வைத்து செவ்வாய்க்கிழமை (06) அன்று கைது செய்யப்பட்டார்.

சம்பவம் தொடர்பாக இரண்டு பெண்கள் கைது செய்யப்பட்டுள்ளனர், மேலும் கைது செய்யப்பட்ட மற்றொரு பெண் இந்த மதுபானத்தை விற்பனை செய்த நபர் ஆவார்.

உயிரிழந்தவர்கள் தொடர்பான நீதவான் விசாரணை   மதியம் மாரவில நீதவானால் நடத்தப்பட்டது, மேலும் அவரது உத்தரவின் பேரில், உயிரிழந்தவர்களின் பிரேத பரிசோதனைகள்   சிலாபம் பொது மருத்துவமனையில் புதன்கிழமை (07) அன்று நடத்தப்படவுள்ளன.