கடமையில் இருந்த கான்ஸ்டபிள் மோதி கொலை

அம்பலந்தோட்டை நகரில் போக்குவரத்து சோதனை செய்து கொண்டிருந்த இரண்டு காவல்துறை அதிகாரிகள் மீது வேனில் வந்த ஒரு கும்பல் வியாழக்கிழமை (01)  அதிகாலை 2.45 மணியளவில் மோதியதில் ஒரு அதிகாரி கொல்லப்பட்டு, மற்றொருவர் காயமடைந்துள்ளார். வேனில் வந்த கும்பல் தப்பி ஓடிவிட்டதாக பொலிஸார் தெரிவிக்கின்றனர்.

பணியில் இருந்த காவல்துறையினர் வாகனத்தை நிறுத்த உத்தரவிட்டபோது சந்தேகத்திற்குரிய வாகனம் விபத்துக்குள்ளானது.

விபத்தில் இறந்தவர் சரத் என்ற பொலிஸ் கான்ஸ்டபிள்.

பலத்த காயமடைந்த கான்ஸ்டபிள், ஹம்பாந்தோட்டை மாவட்ட பொது மருத்துவமனையில் அனுமதிக்கப்பட்ட பின்னர் இறந்தார். வாகனத்தில் மோதிய சிவில் காவலர் ஒருவர் காயமடைந்து அம்பலந்தோட்டை பிராந்திய மருத்துவமனையில் அனுமதிக்கப்பட்டார்.

தங்கல்லையில் இருந்து கதிர்காமம் நோக்கிச் சென்ற வெள்ளை நிற வாகனத்தை நிறுத்துமாறு காவல்துறை அதிகாரிகள் சைகை செய்திருந்தனர், ஆனால் காவல்துறை உத்தரவை மீறி அந்த வாகனம் ஹம்பாந்தோட்டை நோக்கி வேகமாகச் சென்றதாக பொலிஸார் தெரிவித்தனர். வாகனமோ அல்லது சந்தேக நபர்களோ இதுவரை கைது செய்யப்படவில்லை.